Saǵyntaev: Qazaqstanda tsıfrlyq saýattylyqtyń kórsetkishi arta túsedi
«Búginde Qazaqstannyń 77 paıyz eresek turǵyndary bazalyq tsıfrlyq saýattylyqty ıgergen jáne ınternetke qol jetkizip otyr. Bul kórsetkish aldaǵy ýaqytta arta túsedi. Memlekettiń barlyq óńirlerin ınternetpen qamtamasyz etý tsıfrlyq ekonomıkanyń kóptegen sektorlaryn údemeli damytýǵa jaǵdaı jasaıdy. Olardyń ishinde eń mańyzdylardyń biri retinde qashyqtyqtan bilim berý, telemedıtsıa, medıtsınadaǵy jasandy ıntellekt, eltektrondy saýda baǵyttary eskerilgen», - dedi B. Saǵyntaev Tsıfrlandyrý máseleleri jónindegi respýblıkalyq keńeste.
Osy oraıda ol bul qadamdar qazirgi zamanǵy álemde qarqyndy ósip kele jatqanyn atap ótti.
«Máselen, sońǵy 10 jylda Qytaıda elektrondy saýda kólemi 100 esege artty. Atap aıtqanda elde ınternetpen tolyqtaı qamtýdyń nátıjesinde Úkimetke osy qyzmettik sektorlardyń áleýetin keńinen ashýǵa múmkindik berdi», - dedi Premer-Mınıstr.
Onyń paıymynsha, elimizdegi aqparattyq tehnologııalarǵa «Tsıfrlyq Qazaqstan» baǵdarlamasy tyń serpin beredi. Bul sheshimder elektrondyq úkimetke jáne kıberqaýipsizdikken qatysty bolady. Baǵdarlama basymdyqtarynyń biri qoǵam ómirindegi barlyq salalarǵa tsıfrlyq qyzmetti keńinen engizýge negizdelgen.
«Qazaqstan Úkimetimen tsıfrlyq qoǵamnyń ótpeli júıesin qurý josparlanǵan, ıaǵnı ol tutynýshyǵa qolaıly jaǵdaı jasaý úshin arnalýda. Ǵalamshardaǵy tsıfrlyq megarender elderdiń aldyna ozyq tehnologııalardy qandaı tártippen engizý jaıyndaǵy máseleni qoıyp otyr. Óz kezeginde durys tańdaý jasaǵan memleketter úlken maqsattardy sheshýdiń jańa salalary men ádisteriniń múmkindigine ıe bolady», - dedi Premer-Mınıstr.
Osy oraıda Úkimet basshysy Qazaqstanda naqty retteýshi sheshimdermen bolashaq ekonomıkasynyń jańa sektorlaryn qurýda zor múmkindik bar ekenin jetkizdi.
Budan buryn habarlanǵandaı, Baqytjan Saǵyntaev Úkimet 9 bazalyq salada údemeli tsıfrlandyrýdyń strategııasyna mán berip otyrǵanyn málim etken bolatyn.