Saǵyntaev «Tsıfrlyq Qazaqstannyń» iske asyrylýymen tanysty - Aqmola oblysy
Premer-Mınıstrge operatsııalyq zaldyń jáne daıyn qujattardy berý zalynyń jumysy tanystyryldy. Elektrondyq kezek júıesin engizýdiń arqasynda qyzmetterdi alý ýaqyty qysqartyldy. Memlekettik qyzmetterdiń jańa standarttaryna sáıkes mamandandyrylǵan HQKO-da kútýdiń maksımaldy ýaqyty qujattardy ótkizgen kezden bastap 90 mınýttan aspaýy kerek, al qujatty ótkizgenge deıingi kútý ýaqyty - 20 mınýttan aspaýy tıis. Bir azamattyń qujattaryn qabyldaý ýaqyty da shekteýli, bul da 20 mınýttan aspaýy tıis.
«Azamattarǵa arnalǵan úkimet» memlekettik korporatsııasy» KEAQ bólimshesiniń dırektory B. Aqan mamandandyrylǵan HQKO 2017 jylǵy jeltoqsan aıynda paıdalanýǵa berilgenin málimdedi. Osy jyldyń bes aıynda 21 myńnan astam memlekettik qyzmet kórsetildi, sonyń ishinde kólikti tirkeý boıynsha - 16 myńnan astam, júrgizýshi kýáligin berý boıynsha - 5 myńǵa jýyq.
Alǵashqy mamandandyrylǵan HQKO 2012 jyldyń jeltoqsan aıynda pılottyq rejımde Qaraǵandyda ashyldy. Bıznes-protsesterdi avtomattandyrý, memlekettik organdardyń barlyq derekqorlaryn jáne aqparattyq júıelerin biriktirý, sondaı-aq júrgizýshi kýáligin alý jáne kólik quraldaryn tirkeýge qajetti barlyq kezeńderdi bir keshenge biriktirýdiń nátıjesinde atalǵan qyzmetterdi kórsetý ýaqyty orta eseppen 2 saǵatqa qysqartyldy. Búgingi tańda Qazaqstanda halyqqa qyzmet kórsetýdiń 13 mamandandyrylǵan ortalyǵy jumys isteıdi.
Munda Premer-Mınıstrge «Tsıfrlyq Qazaqstan» memlekettik baǵdarlamasynyń óńirde iske asyrylýy týraly baıandaldy.
Oblys ákiminiń orynbasary V. Krylov Aqmola oblysynda tsıfrlandyrý bilim berý, densaýlyq saqtaý, ıntellektýaldy kólik júıesi, turǵyn úı-kommýnaldyq sharýashylyǵy, qoǵamdyq qaýipsizdik jáne Smart aýdan sekildi baǵyttarda júrgizilip jatqanyn atap ótti.
Bilim berý salasynda kezek qalyptastyrý protsesterin avtomattandyrý, mektep jasyna deıingi balalar uıymdaryna baǵyt berý jáne balalardy mektepke qabyldaý jónindegi jobalardy iske asyrý bastaldy.
«Bul júıe shilde aıynda oblystyń qalalar men aýdan ortalyqtaryndaǵy 145 mektepke deıingi uıymynda iske qosylady jáne balalardy týylǵan kezinen bastap kezekke elektrondy túrde turǵyzýǵa, balabaqshaǵa joldamany avtomatty túrde alýǵa, úıden shyqpaı-aq oryndy aýystyrýǵa, balanyń elektrondyq pasportyn: portfolıodaǵy balalardyń barlyq jetistikteri, bilim berý traektorııasy, balalardy mektepke deıingi tárbıeleý baǵdarlamalarynda oqytý, oqytýdaǵy progress jáne damý boıynsha usynymdardy alýǵa múmkindik beredi», - dedi V. Krylov.
Oblys ákimdiginiń derekteri boıynsha, bilim berý júıesin tsıfrlandyrý jobalaryn iske asyrýmen júzege asatyn elektrondy qujattar aınalymy muǵalimderdiń júktemesin 40% azaıtady, bilim alýshylardyń bilim sapasyn 80% deıin arttyrady, memlekettik qyzmetter kórsetýde sybaılas jemqorlyq qaterlerin 70% tómendetedi.
Budan ózge, Premer-Mınıstrge Kókshetaý qalasynda qoǵamdyq kólikte júrý qunyn tóleýdi baqylaýǵa múmkindik beretin mobıldi qosymsha tanystyryldy. Jobany iske asyrý 2018 jyldyń sońyna deıin josparlanǵan. Júıede jolaqy tóleýdiń qolma-qol aqshalaı da, qolma-qol aqshasyz da túrleri paıdalanylyp, eskerile alady.
Qolma-qol aqshasyz tóleý úshin túrli tólem tásilderi qoljetimdi: janasýsyz kólik kartalary, bank kartalary, janasýsyz bank kartalary, áleýmettik kartalar jáne mobıldi tólemder (NFC). Jobany engizýdiń birinshi kezeńinde avtobýstardy kondýktormen qosa, tasymaldanatyn kólik termınaldarymen jabdyqtaý kózdelip otyr. Odan soń turǵyndar jetkilikti mólsherdegi kólik kartalaryn alǵan soń jumys rejımi kondýktorsyz júıege kóshiriledi.
Tsıfrlandyrý jobalary memlekettik-jekemenshik áriptestik qaǵıdaty boıynsha da belsene iske asyrylyp jatqanyn aıta ketken jón. Máselen, osy jyldyń sońyna deıin MJÁ aıasynda «MultiRadar SD580» tıpti jyldamdyq rejımin buzýdy anyqtaý júıesiniń 3 jıyntyǵyn iske qosý josparlanyp otyr. Atalǵan jobany iske asyrý úshin 124 beınekamera ornatylady.
V. Krylov sonymen qatar TKSh salasyndaǵy tsıfrlandyrý týraly aıtyp berdi, ol energııa resýrstaryn esepteý qurylǵylaryn jalpy úıge ornatý arqyly olardy keıinnen biryńǵaı ıntellektýaldy aqparattyq júıege berýmen, Biryńǵaı esepteý-qarjy ortalyǵyn qurýmen, E-KSK mobıldi qosymshasymen qurylys monıtorıngin kiriktirýmen iske asyrylady. 2025 jylǵa deıin 948 úıge ortaq jylý energııasyn esepteý qurylǵysy, 2024 avtomatty jylý pýnkti, 2098 EBEAJ ornatylady. Energııa resýrstaryn esepteıtin bul qurylǵylar biryńǵaı ıntellektýaldy aqparattyq júıege kiriktirý maqsatynda dıstantsııalyq derekterdi berý quraldarymen jabdyqtalatyn bolady.
Eske salaıyq, «Tsıfrlyq Qazaqstan» memlekettik baǵdarlamasy Prezıdenttiń «Qazaqstannyń úshinshi jańǵyrýy: jahandyq básekege qabilettilik» Joldaýyn oryndaý aıasynda ázirlengen. Maqsaty - ortasha merzimdik perspektıvada tsıfrlyq tehnologııalardy paıdalaný arqyly halyqtyń ómir súrý sapasyn jaqsartý jáne ekonomıkanyń damý qarqynyn údetý, sonymen qatar Qazaqstan ekonomıkasynyń uzaqmerzimdi perspektıvada bolashaqtyń tsıfrlyq ekonomıkasyn qurýdy qamtamasyz etetin jańa damý traektorııasyna kóshýi úshin jaǵdaılar týdyrý.