Saǵadat Nurmaǵambetovtiń senimin aqtaǵan shákirt
ASTANA. KAZINFORM – Bastemı Jantemiruly Tuńǵysh Qorǵanys mınıstri Saǵadat Nurmaǵambetovtiń tikeleı basqarýymen laýazymdy qyzmetke taǵaıyndalǵan. Búginde jas urpaq tárbıesine atsalysyp júrgen tulǵa Jibek Joly telearnasyndaǵy «Marhabat» baǵdarlamasynda qonaq boldy.
Novosibir joǵary áskerı-saıası ýchılışesin úzdik bitirgen jas ofıtser Bastemı Jantemiruly 40 jyldan astam ýaqytyn áskerı salaǵa arnaǵan. Germanııadaǵy Keńes áskerleriniń tobynda qyzmet etip, KSRO Qorǵanys mınıstriniń buıryǵymen aǵa leıtenant áskerı ataǵyn merziminen buryn alǵan. Keıin týǵan elge oralyp, Tuńǵysh Qorǵanys mınıstri Saǵadat Nurmaǵambetovtiń tikeleı basqarýymen jas ofıtser laýazymdy qyzmetke taǵaıyndalady.
Áskerı salada tárbıeshi ofıtserge artylǵan júktiń salmaǵy jeńil bolǵan joq. Jeke quramnyń tártibi, olardyń arasyndaǵy moraldyq ahýal, áskerı jumystyń tııanaqty uıymdastyrylýyn qadaǵalaý birinshi mindet edi. Bastemı Jantemirulynyń basshylyǵymen atqarylǵan jumys joǵary nátıje kórsetip, polkovnık áskerı ataǵy merziminen buryn tapsyrylǵan.
Zeınet demalysyna shyqqan soń da áskerı kafedraǵa on jyldaı basshylyq etip, bolashaq ofıtserlerdi daıyndap jatyr. Búginde ol Qarýly kúshterge qatysty is-sharalardyń bel ortasynda júredi. Jas urpaq tárbıesinde Bastemı Jantemirulynyń orny erekshe.
Bastemı Jantemirulynyń jary Saǵıla Panýqyzy da sanaly ǵumyryn áskerı salaǵa arnaǵan jan. Balalary Arman men Baýyrjan da elimizdegi kúshtik qurylymdardyń ofıtserleri.
