Sádibek Túgel shtaby Jezqazǵanda kontsert uıymdastyrdy
Keshte «Uly Dala qyrandary» RQB atynan prezıdenttikke úmitker Sádibek Túgeldiń senimdi ókili, jýrnalıst Bazargúl Úmbetova sóz alyp, kandıdattyń saılaýaldy baǵdarlamasyn tanystyrdy. Sádibek Túgeldiń tuǵyrnamasyndaǵy tórt tuǵyr - til, dil, jer men ar-namys bir-birinen ajyramas ulttyq qundylyqtar ekenin tilge tıek etip, ony jas urpaq boıyna sińirýdiń basty baǵyttary baǵdarlamada kórsetilgenin jetkizdi.
Jıynda sondaı-aq, taǵy bir senimdi ókil Kúlásh Moldaxmetova Sádibek Túgeldiń memlekettik tildiń mártebesin bıiktetýdegi eńbegi jaıly aıtyp, til qudireti týraly óleń oqysa, Kókshetaýdan arnaıy kelgen aqyn Baqyt Muxamedraxımova kandıdattyń qaıratkerlik, azamattyq qyryna toqtaldy.
Kontsertte Taıjan Qalmaǵambetov atyndaǵy fılarmonııanyń ánshileri Ardaq Muqyshev, Záýresh Omarova, Láıla Bekbalaqova, Asxat Saǵyndyqov, Záýre Elbaeva, Perızat Nesipbaeva, Aızada Ábdixalyqovalar óner kórsetti.
