Sádibek Túgel Atyraýda saılaýshylarmen kezdesti

ATYRAÝ. QazAqparat - QR Prezıdenttigine kandıdat Sádibek Túgel Atyraý qalasynda saılaýshylarmen kezdesti, dep habarlaıdy QazAqparat úmitkerdiń baspasóz qyzmetine silteme jasap.

Jaıyq jaǵasynda ornalasqan munaıly qaladaǵy kezdesýde Sádibek Túgel ulttyq qundylyqtar jóninde áńgimelep, saılaýaldy baǵdarlamasyn tanystyrdy. Úmitker tuǵyrnamasynda kórsetilgen basty mindetterge erekshe toqtaldy.

Sondaı-aq, jıynda QR Prezıdenttigine kandıdat Sádibek Túgeldiń senimdi ókilderi Yntymaq Qultasov, Klım Gýbashev, Asan Qaramonshaqovtar sóz alyp, kandıdat aǵdarlamasyndaǵy el bolashaǵyn aıqyndaýǵa qajetti basym baǵyttar jaıynda aıtyp berdi.

Sonymen qatar, kezdesý aıasynda «Ulttyq qundylyqtardy ulyqtaımyz» atty qolónershiler kórmesi uıymdastyryldy. Jınalǵandar aldynda dombyra boıynsha Turlan Bısembaev, sýretshiler Laýra Tilekbaı, Murat Erǵalıevtar sheberlik sabaǵyn ótkizdi.