Sádibek Túgel Aqtaý jurtshylyǵymen kezdesti

AQTAÝ. QazAqparat - QR Prezıdenttigine kandıdat Sádibek Túgel Mańǵystaý oblysyndaǵy saılaýaldy úgit-nasıhat jumystaryn Aqtaý qalasynan bastady. Kandıdat qala jurtshylyǵymen kezdesti, dep habarlaıdy QazAqparat úmitkerdiń baspasóz qyzmetine silteme jasap.

Kezdesýde Sádibek Túgel qala turǵyndaryna rızashylyǵyn bildirip, saılaýaldy baǵdarlamasy jóninde áńgimeledi. Tuǵyrnamada aıtylǵan kezek kúttirmeı sheshetin mindetter men tapsyrmalardy atap kórsetti.

Kezdesýde sóz alǵan kandıdattyń Mańǵystaýdaǵy saılaýaldy shtabynyń jetekshisi, «Arman tulparlary» ulttyq at sporty túrleri federatsııasynyń prezıdenti Orynbasar Qulybekov elimizdegi ulttyq at sportyn damytýdaǵy Sádibek Túgeldiń eńbegin, azamattyq, qaıratkerlik qyry jaıly sóz qozǵady.

Basqosýǵa jınalǵan kópshilik úmitkerge kókeıdegi saýaldaryn qoıyp, tushymdy jaýap aldy.