Sabaqqa barǵysy kelmegen astanalyq oqýshy mektepke «mına qoıǵan»

ASTANA. QazAqparat – Elordalyq jasóspirim mektepte «mına qoıyldy» dep polıtsııaǵa jalǵan aqparat berdi, dep habarlaıdy QazAqparat Polisia.kz saıtyna silteme jasap.

«5 jeltoqsan kúni áleýmettik jelilerdi monıtorıngileý barysynda Tóle bı kóshesindegi mektepterdiń birinde terrorıstik akti bolatyny týraly habarlama anyqtaldy. Oqıǵa ornyna polıtsııa qyzmetkerleri keldi.

Mektep ǵımaratyn tekserý barysynda jarylǵysh qurylǵy tabylmady, is-shara evakýatsııasyz ótkizildi, qaýip seıildi», - delingen polıtsııa málimetinde.

Astana qalasy Polıtsııa departamenti Ekstremızmge qarsy is-qımyl basqarmasynyń qyzmetkerleri jedel-izdestirý is-sharasyn ótkizip. Nátıjesinde jalǵan aqparat taratýshyny anyqtady. Ol sol mekteptiń 13 jastaǵy oqýshysy bolyp shyqty.

«Jasóspirim sabaq bolmaǵanyn qalap, osylaı ázildegenin túsindirdi. ıÝvenaldy polıtsııa ınspektorlarynyń jáne balanyń ata-anasynyń qatysýymen jasóspirimmen profılaktıkalyq áńgime júrgizildi. Zańdy ókilderine qatysty ákimshilik sıpattaǵy sharalar qabyldanatyn bolady», - delingen habarlamada.