Rýstam Baıalıev qyzmetinen bosatyldy
ASTANA. KAZINFORM — Memleket basshysynyń ókimimen Rýstam Baıalıev Prezıdent Ákimshiliginiń Óńirlik damý monıtorıngi bóliminiń meńgerýshisi laýazymynan bosatyldy. Bul týraly Aqordanyń baspasóz qyzmeti habarlady.
— Memleket basshysynyń ókimimen Rýstam Baıalıev Qazaqstan Respýblıkasy Prezıdenti Ákimshiliginiń Óńirlik damý monıtorıngi bóliminiń meńgerýshisi laýazymynan bosatyldy, — delingen habarlamada.
1975 jyly dúnıege kelgen.
1996 jyly Ál-Farabı atyndaǵy Qazaq ulttyq ýnıversıtetin «Halyqaralyq jýrnalıstıka» mamandyǵy boıynsha, 1998 jyl Eýrazııa naryq ınstıtýtyn «Ekonomıka jáne menedjment» mamandyǵy boıynsha bitirgen.
Eńbek jolyn 1997 jyly Qazaqstan Respýblıkasy Qarjy mınıstrligi Memlekettik salyq komıtetiniń 1 sanatty mamany bolyp bastaǵan.
1997-1999 jyldary – Qaraǵandy oblysy ákimi orynbasarynyń keńesshisi, oblys ákiminiń kómekshisi;
1999-2000 jyldary – Qazaqstan Respýblıkasy Qarjy mınıstriniń kómekshisi – Uıymdastyrý jáne kadr jumysy departamenti hatshylyǵynyń meńgerýshisi;
2000-2002 jyldary Qazaqstan Respýblıkasy Qarjy mınıstrliginiń Qarjy saıasaty jáne boljaýlar departamenti basqarma basshysynyń orynbasary, basqarma basshysy;
2002 jyldyń qańtarynan qyrkúıegine deıin – Qazaqstan Respýblıkasy Qarjy mınıstrligi Qarjy jáne uıymdastyrý-kadrlyq jumys departamenti dırektorynyń orynbasary;
2002-2003 jyldary – Qazaqstan Respýblıkasy Indýstrııa jáne saýda mınıstrligi Saýda qyzmetin, saraptamalyq baqylaýdy jáne Dúnıejúzilik saýda uıymyna kirýdi retteý departamentiniń dırektory;
2003 jyldyń aqpanynan tamyzyna deıin – Qazaqstan Respýblıkasy Indýstrııa jáne saýda mınıstrligi Dúnıejúzilik saýda uıymyna kirý jáne halyqaralyq yntymaqtastyq jónindegi departamentiniń dırektory;
2003-2004 jyldary – Qazaqstan Respýblıkasy Indýstrııa jáne saýda mınıstrliginiń Shaǵyn bıznesti qoldaý jónindegi komıteti tóraǵasynyń orynbasary;
2004-2005 jyldary – Aqmola oblysy ákimi apparatynyń basshysy;
2005-2014 jyldary – «TPEP» jaýapkershiligi shekteýligi seriktestigi bas dırektorynyń keńesshisi;
2014-2015 jyldary – «Astanaenergoservıs» aktsıonerlik qoǵamynyń basqarma tóraǵasy;
2016-2022 jyldary – Almaty oblysynyń at sporty federatsııasynyń basshysy;
2024-2025 jyldary – Qazaqstan Respýblıkasy Prezıdenti Іs basqarýshysynyń orynbasary;
2025 jyldyń 13 aqpanynan bastap Qazaqstan Respýblıkasy Prezıdenti Ákimshiliginiń Óńirlik damý monıtorıngi bóliminiń basshysy boldy.