Rýslan Berdenovtiń qyzmettik mindetin ýaqytsha kim atqarady
ShYMKENT. KAZINFORM - Qarýly shabýyldan jaraqat alǵan Shymkent qalasynyń ákimi orynbasarynyń qyzmettik mindeti Qýanysh Asylovqa júkteldi.
Qala ákiminiń orynbasary Rýslan Berdenov Shymkenttegi qurylys, sáýlet, jer qatynastary jáne qala qurylysy sekildi negizgi salalarǵa jetekshilik etti. Ázirge bul baǵyttar 2023 jyldyń qańtarynda ákimniń birinshi orynbasary bolyp taǵaıyndalǵan Qýanysh Asylovtyń baqylaýynda bolady.
Ol buǵan deıin Qazaqstan Respýblıkasy Prezıdenti Ákimshiliginde memlekettik ınspektor bolyp qyzmet atqarǵan.
Aıta keteıik, Shymkentte qala ákiminiń orynbasary Rýslan Berdenovke qastandyq jasalǵan bolatyn. Kúdikti sheneýnikke qaraı úsh ret oq atqan. Oqıǵa saldarynan ákimdik qyzmetkeri jaraqat alyp, aýrýhanaǵa jetkizildi.
Al, dárigerler Rýslan Berdenovtiń ómirine qaýip tónip turmaǵanyn aıtty. Jasalǵan ota da sátti ótti.
Al, Sársen Quranbek Shymkent ákimi orynbasaryna jasalǵan shabýylǵa qatysty málimetterdi tergeý naqtylaıtynyn aıtty.