Rýslan Berdenovtyń ómirine qaýip tónip turǵan joq - dárigerler

ShYMKENT. KAZINFORM - Shymkent ákiminiń orynbasaryna operatsııa jasaldy.

- Shymkent qalasy ákiminiń orynbasary oq jaraqatymen qalalyq aýrýhanaǵa tústi. Oǵan shuǵyl operatsııa jasaldy. Operatsııa barysynda qan ketý toqtatyldy, jaraqattanýdan bolǵan zaqym qalpyna keltirildi. Ómirine qaýip tónip turǵan joq. Patsıenttiń jaǵdaıy turaqty, aýyr dep baǵalanady. Ol dárigerlerdiń turaqty baqylaýynda jáne barlyq qajetti medıtsınalyq kómekti alyp jatyr ,- delingen Shymkent qalalyq densaýlyq saqtaý basqarmasy taratqan aqparatta.

Aıta keteıik, keshe Shymkentte qala ákiminiń orynbasary Rýslan Berdenovke qastandyq jasalǵan bolatyn. Kúdikti sheneýnikke qaraı úsh ret oq atqan. Oqıǵa saldarynan ákimdik qyzmetkeri jaraqat alyp, aýrýhanaǵa jetkizilgen.