Rýslan Berdenov jańa qyzmetke taǵaıyndaldy

ShYMKENT. KAZINFORM- Parlament Májilisiniń depýtaty Shymkent qalasy ákiminiń orynbasary boldy.

Shymkent qalasy ákiminiń baspasóz qyzmeti usynǵan aqparatqa súıensek, taǵaıyndaý týraly sheshim Prezıdent Ákimshiligimen kelise otyryp qabyldanǵan.

Rýslan Berdenov Shymkent qalasynyń týmasy. 39 jasynda memlekettik qyzmet pen bıznesti mol tájirıbesi bar.

Qazaq, aǵylshyn, orys, túrik, azerbaıjan tilderinde erkin sóıleıdi.

Bilimi joǵary, 2006 jyly menedjment mamandyǵy boıynsha ál-Farabı atyndaǵy Qazaq ulttyq ýnıversıtetin bitirgen. 2009 jyly KIMEP Ýnıversıtetin Іskerlik basqarý magıstri (MBA) dárejesimen bitirdi.

Eńbek jolyn 2005 jyly «Almaty qus» AAQ («Seımar» toby) kompanııasynyń bólshek saýda dırektory qyzmetinen bastady.

2007 jylǵy aqpan-2010 jylǵy shilde-Procter & Gamble kompanııasynyń bas logıstıkalyq úılestirýshisi.

2010 jylǵy shilde-2012 jylǵy qarasha – «Eastcomtrans» JShS jyljymaly quramdy jaldaý bóliminiń bastyǵy.

2012 jylǵy qarasha-2018 jylǵy mamyr – «Aq nıet» JShS Bas dırektory.

2018 jylǵy qarasha-2019 jylǵy sáýir – «Aq nıet» JShS Baıqaý keńesiniń múshesi.

2019 jylǵy sáýir-2023 jylǵy naýryz-Aq niet Group Baıqaý keńesi tóraǵasynyń orynbasary.

2023 jylǵy 29 naýryzdan bastap – «Respublica» partııasynyń partııalyq tizimi boıynsha VIII saılanǵan Qazaqstan Respýblıkasy Parlamenti Májilisiniń depýtaty, Qarjy jáne bıýdjet komıtetiniń múshesi. 2023 jylǵy naýryzdan bastap VIII saılanǵan Qazaqstan Respýblıkasy Parlamenti Májilisiniń depýtaty «Respublica» partııasynyń partııalyq tizimi boıynsha saılandy.

2022 jyly Qazaqstan Respýblıkasynyń áleýmettik-gýmanıtarlyq damýyndaǵy erekshe jetistikteri, belsendi qoǵamdyq qyzmeti, mádenıetti damytýǵa qosqan erekshe úlesi úshin « Qazaqstannyń Eńbek er» ataǵy – úzdik dárejesi berildi.

Aıta keteıik, budan buryn Shymkenttiń bas sanıtarlyq dárigeri taǵaıyndalǵanyn jazǵan bolatynbyz.