Rýmynııada Qurmanǵazynyń belgili shyǵarmalary oryndaldy

BÝHAREST. QazAqparat – Býharestegi Ulttyq mýzyka ýnıversıtetinde Qazaqstan Respýblıkasynyń 30 jyldyǵy jáne Naýryz meıramyna oraı Qurmanǵazy atyndaǵy Qazaq ulttyq konservatorııasy mýzykanttarynyń onlaın kontserti ótti, dep habarlaıdy QazAqparat.

Kontsertte Qurmanǵazynyń tanymal shyǵarmalary, qazaq mýzykasynyń klassıkasyna aınalǵan - «Balbyraýyn», Adaı», «Saryarqa» kúıleri oryndaldy. Budan bólek, «Boztorǵaı» jáne «Baqtashy» syndy rýmyn halyq áýenderi usynyldy.

Qurmanǵazy atyndaǵy Qazaq ulttyq konservatorııasynyń rektory Arman Júdebaevtyń Býharest Ulttyq mýzyka ýnıversıtetiniń rektory Dıana Moshpen kezdesýinde eki mekeme arasyndaǵy ózara is-qımyldy jandandyrý keleshegi talqylanyp, yqpaldastyq jónindegi memorandýmnyń merzimin uzartý qujatyna qol qoıyldy. Qujat mýzykalyq jobalardy birlesip júzege asyrý, stýdenttermen jáne professorlyq-oqytýshylyq qurammen almasý máselesine qosymsha serpin berý maqsatyn tutady.

Sondaı-aq rýmyn tarapy 19 ǵasyrdaǵy qazaq ulttyq mýzykasynyń uly tulǵasy, kúı atasy – Qurmanǵazy Saǵyrbaıulynyń shyǵarmashylyǵymen tanysty.

Budan bólek, A.Júdebaev rýmyn eliniń TVR Ulttyq telearnasyna suhbat berip, konservatorııanyń qyzmeti, otandyq mýzyka mádenıetiniń damýy jóninde aıtyp berdi.