Rýmynııada Qazaqstannyń mádenı kúnderi bastaldy

NUR-SULTAN. QazAqparat - Rýmynııanyń Klýj-Napoka qalasynda Qazaqstannyń mádenı kúnderiniń ashylý saltanaty ótti. Bul jaıynda Qazaqstannyń Rýmynııadaǵy Elshiliginiń Facebook paraqshasynda jarııalandy, dep habarlaıdy QazAqparat tilshisi.

Tamyzdyń 21-23 kúnderi ótetin mádenı kúnderdiń ashylýynda sóz sóılegen Qazaqstan Elshisi Nurbah Rústemov elimizdiń tarıhy men dástúri, ásirese qazaqtyń uly aqyny Abaı syndy tanymal tulǵalary jaıynda keńinen áńgimelep berdi.

«Mádenı kúnderdi uıymdastyrý rýmyn jurtshylyǵyna elimizdiń mádenıeti, dástúri men baı tarıhy jaıynda kóbirek bilýge múmkindik beredi. Sonymen qatar Abaı shyǵarmalary eki halyqtyń mańyzdy baılanysyna aınala alady», - dep atap ótti Elshi.

Mádenı kúnder aıasynda Rýmynııada turyp jatqan qazaqtyń tanymal jas sýretshisi Alýa Tebenovanyń kórmesi ashyldy. Munan bólek, rýmyn jurtshylyǵy qazaq halqynyń bastan keshirgen tarıhı oqıǵalary jaıynda syr shertetin «Qazaq handyǵy. Altyq taq», «Shyńyraý» jáne «Qunanbaı» fılmderin tamashalaıdy.

Mádenı baǵdarlamanyń mańyzdy elementi 23 amyzda ótetin shoý bolmaq. Abaıdyń 175 jyldyq mereıtoıyna arnalǵan shoý barysynda rýmyn kameralyq orkestri qazaqtyń uly aqynyń tanymal shyǵarmalaryn oryndaıdy.