Rýmynııa basylymy QazVac vaktsınasy týraly maqala jarııalady

NUR-SULTAN. QazAqparat – Rýmynııadaǵy basylym Qazaqstannyń Bıologııalyq qaýipsizdik problemalary ǵylymı-zertteý ınstıtýtynyń QazVac vaktsınasy týraly jazdy. Dúnıejúzilik densaýlyq saqtaý uıymy 2020 jyldyń 15 mamyrynda bul ekpeni kandıdat vaktsına retinde tirkeldi, dep habarlaıdy QazAqparat.

Byltyrǵy jyldyń qyrkúıek aıynda ótkizilgen 1-shi fazanyń klınıkalyq synaǵyna 44 erikti qatysty, al 17 qazanda 200 eriktiniń qatysýymen 2-shi fazanyń synaǵy bastalǵan.

Qazaqstanda koronavırýsqa shaldyǵýdyń birinshi oqıǵasy 2020 jyldyń naýryzynda rastaldy. 23 naýryzda ınfektsııa juqtyrǵan patsıentterden úlgiler alynyp, olardyń bıologııalyq qasıetteri zerttelip, COVID-19 retinde anyqtalǵan vırýs bólindi, delingen Qazaqstan Respýblıkasy Densaýlyq saqtaý mınıstrliginiń málimdemesinde.

Qazaqstannyń Bıologııalyq qaýipsizdik problemalary ǵylymı-zertteý ınstıtýtynyń mamandary QazVac nemese QazCovid-In vaktsınasyn tanymal tehnologııalyq platforma dep sıpattady.

«Bul – ınaktıvtelgen, ıaǵnı hımııalyq ádisterdiń kómegimen óltirilgen, odan keıin hromotografııalyq ádister arqyly kúrdeli baǵalaýǵa ushyraǵan koronavırýs ınfektsııasy qozdyrýshysynyń bıologııalyq massasyn shyǵaratyn klassıkalyq tehnologııalyq protsedýra».

Almaty jáne Taraz qalalarynda erik bildirgen 3000 adamǵa QazVac vaktsınasy egildi.

QazVac vaktsınasyn óndirý jumystaryna qatysqan mamandardyń biri Lespek Qutymbetovtiń atýynsha, vaktsınany Tselsıı boıynsha 2-8 gradýs temperatýrada kádimgi úıde turǵan tońazytqyshta saqtaýǵa bolady.

«Bul vaktsınany bizdiń ınstıtýt shyǵarǵan. Qorapta 10 dozany quraıtyn 10 quty bar. ıAǵnı ár qutyda bir dozadan. Qutyǵa jarty mıllılıtr nemese 10 tamshy vaktsına quıylǵan. Qoldaný aldynda qutyny jaqsylap shaıqaý kerek. Bul quty 21 kúnnen keıin ekinshi komponentti salý úshin qoldanylady. Vaktsına 2-8 gradýs aralyǵyndaǵy temperatýrada, kádimgi úıdegi tońazytqyshta saqtalady. Ony muzdatý qajet emes, bir jyl saqtaýǵa bolady», - dedi Qutymbetov.

19 jeltoqsanda Qazaqstannyń Densaýlyq saqtaý mınıstrligi klınıkalyq synaqtardyń 3-shi fazasyn ótkizýge ruqsatyn berdi. Almaty jáne Taraz qalalarynda erik bildirgen 3000 adamǵa QazCovid-in vaktsınasy egildi. Ekpeniń qandaı da bir janama áseri nemese oǵan shaǵym tirkelgen joq.

Qazaqstanda shyǵarylǵan QazVac vaktsınasy – ekidozalyq vaktsına, onyń bir qutysy bir adamǵa eseptelgen. Budan basqa, otandyq vaktsına muzdatýdy qajet etpeıdi, ol plıýs 2-8 gradýs aralyǵyndaǵy temperatýrada saqtala beredi, dep atap ótti basylym.

QazCovid-In (QazVac) vaktsınasyn klınıkalyq synaýdyń úshinshi fazasy 9 shildege qaraı aıaqtalady. Qazaqstandyq sarapshylardyń aıtýynsha, bul zertteýge 3000 adamnan kem bolmaǵan eriktiler qatysyp otyr.

«Klınıkalyq synaýdyń úshinshi fazasynyń naqty aıaqtalatyn kúni – 2021 jyldyń 9 shildesi. Budan keıin 3000 eriktiniń málimetterin óńdeý boıynsha úlken jumys júrgiziledi, oǵan shamamen 20 kúntizbelik kún ketedi. Budan keıin bizdiń esebimiz Densaýlyq saqtaý mınıstrligine usynylady», - dedi ǴZI basshysy Kúnsulý Zakarııa.

Qazaqstan vaktsına óndirisin iske qosqan álem elderiniń «ondyǵyna» jáne vaktsına óndirisiniń tolyq tsıklyn ózdiginen ıgerip alǵan elderdiń «bestigine» kirip otyr.

Eske salsaq, QazVac vaktsınasyn klınıkalyq zertteýdiń I-II fazasynyń nátıjeleri boıynsha esepter jáne III fazasynyń aralyq esebi onyń qaýipsizdigin rastady.

2021 jyly 22 cáýir kúni COVID-19-ǵa qarsy qazaqstandyq QazVac (QazCovid-in) vaktsınasynyń alǵashqy partııasy jóneltildi.

26 sáýirde Densaýlyq saqtaý mınıstri Alekseı Tsoı alǵashqylardyń biri bolyp KVI-ge otandyq QazVac vaktsınasymen ekpe aldy.