Rýmynııa eldegi NATO áskeriniń sanyn kóbeıtetinin habarlady

ASTANA. KAZINFORM — Rýmynııadaǵy amerıkalyq ásker sanynyń qysqarýy NATO-nyń basqa elderinen keletin ásker sanynyń artýy esebinen óteledi, dep habarlaıdy Kazinform TASS agenttigine silteme jasap.

Rýmynııanyń Syrtqy ister mınıstri Oana Tsoıý jergilikti portalǵa bergen suhbatynda Rýmynııadaǵy NATO áskerleriniń sanynyń artatynyn málimdedi. 

— Biz AQSh-ta jáne NATO aıasynda qorǵanys jáne tosqaýyldyq qabiletterimizdi odan ary arttyrý joldaryn talqylap jatyrmyz. Qazirgi ýaqytta bizdiń basty nazarymyz áýe qorǵanysyna baǵyttalǵan. Jyl sońyna deıin jáne kelesi jyly biz Rýmynııada NATO-nyń nyǵaıýyn kóremiz, - dedi ol. 

Basylymnyń atap ótýinshe, bir kún buryn AQSh Rýmynııanyń Ulttyq qorǵanys mınıstrligine eldegi áskerı kontıngentin shamamen 700 adamǵa qysqartatyny týraly habarlaǵan. 

Eske salsaq, osyǵan deıin Rýmynııa prokýratýrasy ótken jyly ótpeı qalǵan prezıdenttik saılaýda kandıdat bolǵan ýltraultshyl saıasatker Kelın Djordjeskýge tóńkeris jasaýǵa árekettendi degen aıyp taqqanyn jazǵanbyz.