«Rýhanı jańǵyrýǵa» 1 jyl: Aqtóbe oblysynda alǵashqy qorytyndylar jasaldy
Aqtóbe qalasynda «Rýhanı jańǵyrý» baǵdarlamasy aıasynda «Jastar, ǵylym jáne ınnovatsııalar» ǵylymı-praktıkalyq konferentsııasy ótti. Ár aýdan jyl boıy atqarǵan jumystaryn qorytyndylap otyr. «Tárbıe jáne bilim», «Atameken», «Rýhanı qazyna», «Aqparat tolqyny» baǵdarlamalary aıasynda 89 joba iske asyrylýda.
«Rýhanı jańǵyrý» baǵdarlamasy aıasynda «Týǵan jerge taǵzym» aktsııasy ótti. Oǵan 21 memleketten jerlesterimiz kelip, árqaısysy úles qosty. Jyl ishinde birneshe áleýmettik nysan salyndy. Shyǵarmashylyq akademııasy, Óner ortalyǵy, Hokkeı modýli, Jubanovtar álemi, Analarǵa taǵzym atty rýhanı-mádenı ǵımarattar qoldanysqa berildi. Al «100 jańa esim» jobasyna bes aqtóbelik endi. Jalpy tórt shaǵyn baǵdarlama boıynsha 89 joba iske asyryldy. Baǵdarlama aıasynda bıznes ókilderi, memlekettik qyzmetkerler, ǵalymdar da jumys istedi. Jastardyń da qoldaýy bar. Aldaǵy ýaqytta ákimdik jas ǵalymdardyń ınnovatsııalyq jobalaryn qoldap, arnaıy granttar bóledi», - dedi Aqtóbe oblysy ákiminiń orynbasary Qaırat Bekenov.
«Tárbıe jáne bilim» shaǵyn baǵdarlamasy aıasynda bıyl «Baqytty bala» jobasy iske asyrylady. Buǵan deıin habarlaǵanymyzdaı, joba aıasynda barlyq aýylǵa oıyn alańy salynyp, balabaqshalarǵa planshet satyp alynady. Múgedek balalarǵa arnalǵan sensorlyq úılerdi kolledj stýdentteri jasaıdy. Al «Memlekettik tildi latyn grafıkasyna kóshirý» baǵdarlamasy aıasynda «Jańa álipbı -gadjet áleminde» atty latyn grafıkasyna úıretýge negizdelgen mobıldi qosymsha daıyndalyp jatyr. «Atameken» baǵdarlamasy aıasynda bıyl 648 joba iske asyrylady. Baǵdarlama aıasynda «Analarǵa taǵzym» ortalyǵynyń qurylysy júrgizilip jatyr. Munda Álııa Moldaǵulova, Aqqaǵaz Dosjanova, Nursulý Talapova, Bopaı hanym, Roza Jamanovanyń ómiri men eńbek joly, erligi tanystyrylady. Qyzdardy, kelinderdi tárbıeleýge aqtóbelik ájeler úles qosady. Tigin, toqý, bala kútimi, úı tazalyǵyn úıretedi.
Bıylǵy jylǵa josparlanǵan jobalarǵa toqtalsaq, «Rýhanı qazyna» kishi baǵdarlamasy aıasynda oblystyq mýzeı paıdalanýǵa beriledi. Sonymen qatar, ǵalymdar Orynbor men Sankt-Peterbýrg muraǵattaryna baryp, zertteý jumystaryn júrgizetin bolady. Budan bólek, Ábilqaıyr hannyń 325 jyldyǵyna arnalǵan ǵylymı-praktıkalyq konferentsııa uıymdastyrý, Bókenbaı batyrǵa eskertkish ornatý josparlanǵan.
«Rýhanı jańǵyrý» baǵdarlamasy aıasynda Qobda aýdanynda Qobylandy batyr memorıaldyq keshenine kúrdeli jóndeý júrgizildi. Ári aýdan ortalyǵyna Qobylandy batyr, Isataı batyr eskertkishteri qoıyldy. Qazaqstannyń kıeli oryndaryna Abat Baıtaq pen Qobylandy batyr kesenesi endi. Al óńirlik tizimge Isataı kesenesi alyndy. Máńgilik el, Otan ana, Altaı batyr, Álııa skveri salyndy. Ekinshi dúnıejúzilik soǵysqa qatysqan 2 400 qobdalyq azamatqa arnap «Uly dala darabozdary» atta taqta ornatyldy. Qazirgi kezde Abat Baıtaqtyń janynda Qyz áýlıe bar. Tabynnan taraǵan qyz dep aıtalady. Qulpytasy da saqtalǵan. Ortasyna synǵan soń oqý qıyn. Astana qalasynan tarıh ǵylymdarynyń doktory Zeınolla Samashevpen aqyldasyp edik, lıngvısterdiń qajet ekenin aıtty. Munda shaǵataı, tóte jazý, arab aralas dep aıtady», - dedi Qobda aýdandyq murajaıynyń Gúlbarshyn Erǵalıeva.
