Rýhanı jańǵyrý: Jastarǵa mobıldik qosymshalar tanystyryldy
Kezdesýde uıymdastyrýshylar «Rýhanı jańǵyrý» baǵdarlamasy men qazaq tiliniń latyn grafıkasyna kóshýine qatysty másele kóterdi.
Memlekettik tildi damytý qorynyń dırektory Azat Shaýeev qazaq tiliniń latyn grafıkasyna kóshýi qazaq tilin jańǵyrtýǵa jáne elimizdiń tehnıkalyq progresine jol ashatynyn atap ótti.
Kezdesýler barysynda smartfon jáne planshetterge (Android jáne iOS platformalary úshin) arnalǵan latyn áripterimen qazaqsha pernetaqta «Qazaq Latyn Keyboard» jańa jobasyn tanystyrdy. «Qazaq Latyn Keyboard» qazaq tilin latyn qaripinde barlyq qosymshalarda qalypty qoldanýǵa múmkindik beredi. Qoldanýshylardyń yńǵaıyna jáne úırenýine arnalyp pernetaqta jıyntyǵynyń translıteratsııasy jasaldy. Onyń kómegimen qazaq sózderin kırıllıtsada engizseńiz baǵdarlama avtomatty túrde engizý terezesinde mátindi latyn grafıkasyna aýdarady. Osyndaı tártippen kerisinshe jasaý arqyly qoldanýshylar jańa latyn qaripimen engizýdi úırene, jattyqtyra alady.
Budan bólek kezdesýler qatysýshylarǵa Memlekettik tildi damytý qorynyń «Rýhanı jańǵyrý» baǵdarlamasy aıasynda jasaǵan basqa da jobalary tanystyryldy. Olardyń arasynda qazaq tilin tegin oqytatyn «Soyle.kz» onlaın kýrsy, «Kim bilgish?» ıntellektýaldy-tanymdyq mobıldik oıyny, «Abaialemi.kz» onlaın entsıklopedııasy, «Tattialma.kz» balalar ádebıet saıty, «Qazaqstan3D» veb-saıty jáne mobıldi qosymshasy, «Jeti qazyna», «Meniń Kazaqstanym», «Uly tulǵalar», «Qazaqstannyń merekeleri» mobıldi qosymshalary bar.
Kezdesýler barysynda qatysýshylar arasynda qazaq álipbıiniń kezeńmen latynǵa kóshýiniń basty qyrlary jaıynda aýqymdy pikir almasý boldy. Sonymen qatar jıynǵa kelgen jastar arasynda «Latyn álipbıinde jyldam oqýdan» baıqaý ótkizildi. Úzdik nátıje kórsetkenderge estelik syılyqtar tabystaldy.
Jıyndy qorytyndylaǵan Azat Shaýeev, «Rýhanı jańǵyrý» baǵdarlamasy - qoǵamnyń qýatty modernızatsııasy jáne ýaqyt ózgeristerine tótep berýge múmkindik beretin, ulttyq sana-sezimdi ózgertetin uly reforma ekenin atap ótti.
