Rýhanı jańǵyrý: Aqmolada 4 jyl ishinde atqarylǵan jumystar saralandy
Sharaǵa aımaq basshysynyń orynbasary Aına Mysyrálimova, óńirlik komıssııa, «Rýhanı jańǵyrý» baǵdarlamasyn iske asyrý jónindegi jumys toby men saraptamalyq keńes músheleri, aýdandar, Kókshetaý jáne Stepnogor qalalary ákimderiniń orynbasarlary, ǵylymı jáne shyǵarmashylyq zııaly qaýym, úkimettik emes uıymdar jáne BAQ ókilderi qatysty.
Jıynda Aqmola oblysy ishki saıasat basqarmasy basshysynyń orynbasary Sabyrhan Kenjebaev tórt jyl ishinde «Rýhanı jańǵyrý» elimizdiń negizgi ıdeologııalyq qujatyna aınalǵanyn, Memleket basshysy Qasym-Jomart Toqaev «Táýelsizdik bárinen qymbat» maqalasynda osy baǵdarlamany odan ári jalǵastyrý máselesine basa mán bergenin atap ótti.
«Óńirde sońǵy 4 jyl ishinde 6 baǵyt jáne 18 arnaıy joba iske asyrylǵan. Onyń ishinde, 2020 jyly oblysta 800 myńǵa jýyq adamdy qamtýmen 8000-nan astam túrli formattaǵy is-sharalar ótkizildi. Oblysta óńirlik jobalyq keńsesinen bólek, 44 «Rýhanı jańǵyrý» 44 kabıneti jumys isteıdi. 2020 jyly memlekettik áleýmettik tapsyrys aıasynda 8 mıllıon teńgege 2 jobasy júzege asyryldy», - dedi ol.
Sonymen qatar, oblystyq mádenıet, arhıvter jáne qujattamalar basqarmasynyń basshysy Aıgúl Sábıtova, oblystyq bilim basqarmasy basshysynyń orynbasary Botagóz Dúısenova, oblystyq ekonomıka jáne bıýdjettik josparlaý basqarmasynyń basshysy Qanat Dúzelbaev, «Rýhanı jańǵyrý» baǵdarlamasyn iske asyrý jónindegi óńirlik saraptama keńesiniń múshesi Amanaı Seıitqasymov atqarylǵan jumystar men aǵymdaǵy jylǵa arnalǵan josparlar týraly baıandama jasady.
Shara sońynda oblys deńgeıinde «Rýhanı jańǵyrý» baǵdarlamasyn júzege asyrýǵa belsene at salysyp júrgen azamattar marapattaldy.
