Rosetta apparaty kometaǵa soǵylýǵa bet aldy

ASTANA. QazAqparat - Rosetta ǵarysh apparaty Chýrıýmova-Gerasımenko kometasyna bet aldy, onymen soqtyǵysý12 jylǵa sozylǵan mıssııany aıaqtaıdy. Rosetta kometa orbıtasyna shyǵyp, onyń sońynan 6 mlrd shaqyrym birge bolǵan alǵashqy apparat, dep habarlaıdy Bı-Bı-Sı agenttigi.

Kometamen soqtyǵysý 30 qyrkúıek kúni kúndizgi ýaqytta bolýy tıis, dep habarlady Eýropa ǵarysh agenttigi. Rosetta óte az jyldamdyqpen qulaıdy, alaıdda soqqyǵa tótep berýi ekitalaı.

Apparat eki jyldan beri Chýrıýmova-Gerasımenko kometasynyń orbıtasynda júr.

Kometa Kún júıesi shekarasynyń shegine jaqyndaǵandyqtan, Eýropa ǵarysh agenttigi mıssııany aıaqtaýdy uıǵardy. Ǵarysh apparaty kún batareıasymen jumys isteıdi jáne jaryqtan alystap ketkendikten qajetti energııany jınaı almaıdy.