Rolan Garros týrnıri: AQSh chempıonyn utqan Pýtıntseva ekinshi aınalymǵa ótti

PARIJ. KAZINFORM - Qazaqstannyń ekinshi, álemniń 39-raketkasy ıÝlııa Pýtıntseva Rolan Garros týrnıriniń ekinshi aınalymyna ótti.

Qazaqstandyq tennısshi alǵashqy kezdesýin reıtıngide ózinen tórt saty joǵary turǵan amerıkalyq, 2017 jylǵy AQSh chempıony Sloan Stıvenspen ótkizdi.

Osyǵan deıin qarsylastar ózara jeti ret kezdesip, sonyń tórteýinde Pýtıntseva jeńgen edi. Biraq ótken jyly Frantsııa ashyq chempıonatynyń úshinshi aınalymynda Stıvens utqan-dy.

Bul joly ıÝlııa aıqyn basymdylyq tanytty - 6:1, 6:2. Bir saǵatqa jetpeıtin ýaqyt ishinde ol 4 breık-poınttan shashaý shyǵarǵan joq.

ıÝlııa Pýtıntseva úshinshi aınalymǵa ótý úshin álemniń 28-raketkasy, ulybrıtanııalyq Ketı Býlter nemese reıtıngide 139-satydaǵy ıspanııalyq Paýla Badosanyń qaı jeńgenimen talasady.

Eske sala keteıik, budan buryn Elena Rybakınanyń Rolan Garros týrnırin jeńispen bastaǵanyn jazǵan bolatynbyz.