Rýli oń jaqtaǵy taksı kólikterine qatysty shekteý engiziledi

ASTANA. KAZINFORM – Kólik mınıstri Marat Qarabaev rýli oń jaqtaǵy taksı kólikterine qatysty shekteý engiziletinin aıtty.

«InDriver agregatorymen tıisti memorandýmǵa qol qoıdyq. Qujatta oń rýldi kólikterdi InDriver júıesinde tirkeýden bas tartý qarastyrylǵan. ıAǵnı, oń rýldi kólikterge taksıde júrýge tyıym salynady, sondyqtan InDriver de, ıAndeks te olardy óz qosymshalarynda tirkemeıdi», - dep túsindirdi M. Qarabaev.

Onyń aıtýynsha, keler jyldyń 1 qańtaryna deıin ıAndeks pen InDriver ózderinde ınventarızatsııa jasap, oń rýldi kólikterdi anyqtap, olardyń taksı qyzmetine ruqsatyn shekteıdi. Sonymen qatar, dál osyndaı shekteýler osyǵan deıin rýli oń jaqta bolǵanymen, keıin ony sol jaqqa aýystyrǵan kólikterge de qatysty bolady.

«Rýli sol jaqqa aýystyrylǵan oń jaq rýldi kólikter bar. Olar azamattarymyzdyń densaýlyǵyna jáne kólik qozǵalysy qaýipsizdigine qaýip tóndiredi. Sondyqtan oń rýldi kólikterde 13 tańbaly VIN kody bar, al sol rýldi kólikterde 17 tańbaly VIN kody tańbalanǵan. Bul turǵyda taksı qyzmetteri osyndaı kólikterdi anyqtap, 1 qańtardan bastap qyzmetten bosatady. Munymen qosa, Іshki ister mınıstrligi jol erejesin jıi buzatyn júrgizýshilerdiń tizimin usynady. Bul rette, osy júrgizýshiler taksı júıesinen shyǵarylady», - dedi mınıstr.