Rızabek Aıtmuqan úsh dúrkin álem chempıony atandy

ASTANA. KAZINFORM – Tıranada (Albanııa) 23 jasqa deıingi jastar arasynda erkin kúresten ótip jatqan álem chempıonatynda qazaqstandyq Rızabek Aıtmuqan jeńimpaz atandy.

Qazaqstandyq balýan 97 kelige deıingi salmaqta fınalda ırandyq Mahdı Morafamen beldesti. 

Birinshi kezeń 2:2 esebimen teń aıaqtalǵanymen, sońǵy upaıdy Rızabek aldy. Ekinshi kezeńde ol 6:2 esebimen alǵa shyqty. Sosyn 10:4-ke jetkizdi. Qorytyndy esep – 11:6, Rızabektiń paıdasynda. 

R.Aıtmuqan 2023 jyly eresekter arasynda álem chempıony atansa, bıyl 20 jasqa deıingiler arasynda dúnıejúzilik dodada top jarǵany belgili.

Taǵy bir qazaqstandyq Alan Oralbek (57 kg) qola júlde úshin básekede reseılik ıÝnýs ıAvbatyrovpen beldesip, 2:6 esebimen ese jiberdi. Sóıtip ol medalsiz qaldy.

Dúısenbi kúni grek-rım kúresi sheberleri de kilemge shyǵady. 

Eske sala keteıik, budan buryn Rızabek Aıtmuqannyń álem chempıonatynyń fınalyna shyqqanyn jazǵan bolatynbyz.