Rızabek Aıtmuqan Qyrǵyzstandaǵy týrnırde chempıon atandy

ASTANA. KAZINFORM — Qazaqstandyq erkin kúres balýany Rızabek Aıtmuqan (97 keli) Qyrǵyzstan astanasy Bishkekte ótken halyqaralyq Super 4 Wrestling týrnırinde jeńimpaz atandy.

Fınaldyq beldesýde ol reseılik Álıhan Ktsoevty 3:0 esebimen qapy qaldyrdy. Nátıjesinde halyqaralyq týrnırdiń chemıony ataǵyn jeńip aldy.

Otandasymyz odan buryn bolgarııalyq Ahmed Bataevtan basym tústi.

Aıta ketsek, Rızabek Aıtmuqan 2023 jyly álem chempıony atansa, 2023, 2024, 2025 jyldary Azııa chempıonatynda kúmis júldege ıe boldy.

Eske salsaq, budan buryn 2019 jylǵy álem chempıonatynyń qola júldegeri Danııar Qaısanov erkin kúresten Qazaqstan quramasynyń bas bapkeri bolyp taǵaıyndaldy.

Danııar Qaısanov 2017 jyldan beri Qazaqstan ulttyq quramasynyń sapynda óner kórsetti. 2019 jyly ol álem birinshiliginde úshinshi oryndy ıelendi. Sondaı-aq onyń enshisinde Azııa chempıonatynyń eki altyn medali bar.