Rızabek Aıtmuqan áıgili balýan Kaıl Snaıdermen beldesedi

ASTANA. KAZINFORM — Búgin Alataý eteginde álemniń eń áıgili balýandarynyń basyn qosqan PWL týrnıri ótedi. Boz kilemniń kórigin Rızabek Aıtmuqan men amerıkanyń áıgili balýany, Olımpıada chempıony Kaıl Sneıder qyzdyrmaq. 

Bul jekpe-jek jankúıerler úshin erekshe qyzyqty bolary anyq. Sebebi Rızabek — jas bolsa da, álemdik arenada ózin dáleldep úlgergen balýan.

Ol 2023 jyly Belgradta ótken álem chempıonatynda altyn medal jeńip alyp, qazaq kúresiniń tarıhyna esimin altyn árippen jazdy. Óziniń fızıkalyq qýaty men tehnıkalyq sheberliginiń arqasynda Aıtmuhan aldaǵy beldesýde laıyqty qarsylas bolatyny sózsiz.

Sport jankúıerleri taǵatsyzdana kútip otyrǵan beldesýler Almaty qalasyndaǵy Balýan Sholaq atyndaǵy sport saraıynda saǵat Astana ýaqytymen 19:00–de bastalady.

Jalpy PWL týrnırine 24 balýan qatysady. Qatysýshylar arasynda Olımpıadanyń tórt chempıony, álem chempıondary jáne júldegerleri bar. Qazaqstan atynan 3 balýan kúresedi.

Olar:

Rızabek Aıtmuqan — Kaıl Snaıder (AQSh)

Azamat Dáýletbekov — Magomedhabıb Kadımagomedov (Belarýs)

Jámıla Baqbergenova — Aıperi Medetqyzy (Qyrǵyzstan)

Aıta keteıik, Kaıl Snaıder men Aık Mnatsakanıan eki beldesýden ótkizedi. Al, qalǵan balýandar bir retten kúresedi.

Týrnır barysynda 11 kezdesý bolady. Kúres erejesi boıynsha ár jup 6 mınýttan beldesedi.

Esterińizge sala ketsek, osyǵan deıin Rızabek Aıtmuqan úsh dúrkin álem chempıony atanǵanyn jazǵan bolatynbyz.