Rızabek Aıtmuqan álem chempıonatynyń fınalyna shyqty

ASTANA. KAZINFORM – Tıranada (Albanııa) 23 jasqa deıingi jastar arasynda erkin kúresten ótip jatqan álem chempıonatynda qazaqstandyq Rızabek Aıtmuqan fınalǵa shyqty.

Qazaqstandyq balýan 97 kelige deıingi salmaqta shırek fınalda belorýssııalyq Vladıslav Kozlovtan aılasyn asyrdy.

Rızabek jartylaı fınalda reseılik Shamıl Gadjıalıevti 7:4 esebimen tize búktirdi. 

R.Aıtmuqan 27 qazan kúni fınalda ırandyq Mahdı Morafamen beldesetin bolady. 

Rızabek barlyq beldesýdiń de ońaıǵa túspegenin aıtyp, ırandyq balýanmen sońǵy básekege daıyn ekendigin, altyn úshin baryn salatynyn jetkizdi. 

R.Aıtmuqannyń ótken jyly eresekter arasynda álem chempıony atanǵany belgili. Sondaı-aq bıyl 20 jasqa deıingiler arasynda da úzdik shyqty.

Tıranada jartylaı fınalda úndistandyq Chırag Chıragqa 0:8 esebimen ese jibergen taǵy bir qazaqstandyq Alan Oralbek (57 kg) qola júlde úshin kilemge shyǵatyn bolady.

Eske sala keteıik, budan buryn Rızabek Aıtmuqannyń álem chempıonatyn sátti bastaǵanyn jazǵan bolatynbyz.