Rım Papasynyń messa rásimine qaı elderden dindarlar keledi

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Rım Papasynyń Qazaqstanǵa sapary aıasynda ótetin dinı joralǵyǵa qaı elden dindarlar keletinin aıtty, dep habarlaıdy QazAqparat tilshisi.

«Qazaqstanǵa dindarlardyń basym bóligi Rım Papasy ótkizetin dinı joralǵyǵa qatysý úshin keledi. Messaǵa úsh myń oryn qarastyrylǵan. Onyń basym bóligi Ortalyq Azııa óńiri men ózge de taıaý elderdiń dindarlaryna arnalyp otyr», - dedi SІM ókili vedomstvonyń apta saıyn ótetin brıfıngi barysynda.

Buǵan deıin Rım Papasy Frantsıstiń elimizge sapary aıasynda Qazaqstan jurtshylyǵy men dıplomatııalyq korpýs aldynda sóz sóıleýi, Messasy, sonymen qatar Álemdik jáne dástúrli dinder lıderleriniń VII sezine qatysý josparlanyp otyrǵanyn habarlaǵan edik.

Foto:verelq.am