Rıdderde jylytý maýsymy kelesi aıǵa deıin sozylatyn boldy

ÓSKEMEN. QazAqparat – Rıdder qalasyndaǵy jylytý maýsymy sáýir aıynda aıaqtalmaıtyn boldy, dep habarlaıdy QazAqparat tilshisi.

Rıdderde ótken jyldyń kúzinde bastalǵan jylytý maýsymy sáýirdiń 29-ynda aıaqtalady dep josparlanǵan bolatyn. Alaıda aýa temperatýrasynyń tómendep ketýine baılanysty shegerilip otyr.

«Sınoptıkterdiń boljamy boıynsha, aldaǵy kúnderi aýa temperatýrasy kúrt sýytady. Sondyqtan jylytý maýsymy ázirge aıaqtalmaıdy. Shamamen 3 mamyrǵa deıin sozylýy múmkin», - dep habarlady jylý elektr ortalyǵynan.

Aıta keteıik, osyǵan deıin Rıdderdegi jylý ortalyǵynda eki kúnde 3 aqaý shyqqanyn habarlaǵan edik. Sol kezde qaladaǵy jylý maýsymynyń 29 sáýir kúni aıaqtalatyndyǵy aıtylǵan.