Rıdderde jylytqyshtyń saldarynan páter órtendi

Rıdder qalasynda Stantsııa kóshesindegi birinshi qabatta ornalasqan páterde órt shyqty, dep habarlaıdy Kazinform.

ShQO Tótenshe jaǵdaılar departamenti baspasóz qyzmetiniń málimetine súıensek, qyzyl jalynnyń jalpy aýdany 10 sharshy metrdi quraǵan.

Oqıǵa ornyna qutqarýshylar shuǵyl kelip jetti. Tórt adam qaýipti aımaqtan óz betimen shyǵyp úlgergen. Kóp uzamaı jeke zattar men jıhazdarǵa jaıylǵan tilsiz jaý tolyqtaı aýyzdyqtaldy.

- Otty sóndirýge jeke quramnan 7 adam men 3 órt sóndirý kóligi jumyldyrylǵan. Órttiń shyǵýyna qaraýsyz qalǵan jylytqysh sebep boldy, - dep habarlady vedomstvo ókilderi.

Osy rette, TJD qyzmetkerleri óńir jurtshylyǵyna órt qaýipsizdigi erejelerin qatań saqtap, barynsha abaı bolý qajettigin eskertti.