Rıdderde úılerin sý basqan turǵyndarǵa keltirilgen materıaldyq zalal eseptelip jatyr

Rıdder qalasyndaǵy baspanalaryn sý basqan turǵyndarǵa keltirilgen materıaldyq zalal eseptelip jatyr, dep habarlaıdy Kazinform.

Shyǵys Qazaqstan oblysynyń ákimi Ermek Kósherbaev atalǵan aımaqqa shuǵyl bardy. Qazirgi ýaqytta oqıǵa ornynda jedel shtab jumys istep jatyr. Turǵyndar evakýatsııalaýdan bas tartty. 

«Sý sorylyp, irgetastardy keptirý jumystary júrgizilýde. Komıssııa turǵyndarǵa keltirilgen zııannyń somasyn anyqtap jatyr. Qajet bolǵan jaǵdaıda keptirý kezeńinde olar turǵyn úımen qamtamasyz etiledi. Jaǵdaıdy aımaq basshysy jeke baqylaýynda ustaýda», - dep habarlady oblys ákimdiginen.

Ermek Kósherbaev sý basqan jerdi qarap shyǵyp, kez kelgen jekemenshik nysan ıesi jaýapkershilik mólsherin sezinýi tıis ekenin atap ótti.

«Eger bul tabıǵı apat bolsa, ol qaıtalanbas úshin áreket etý josparyn oılastyrý kerek. Jyl saıyn mundaı bolýy múmkin emes qoı. Bul máseleni sheshýdiń barlyq nusqasyn qarastyrý qajet. Olardyń ishinen eń ońtaılysyn tańdap, aqsha bólý kerek», - dedi ol. 

Eske salsaq, «LK GES» JShS qyzmetkerleri sý aǵyzyp, Harıýzovka ózeniniń arnasynda muz qatyp, sý deńgeıi kóterilip ketken. Saldarynan 4 aýla men Kırov kóshesindegi 2 jer úıdi sý basqan edi.