Rıdder jylý ortalyǵyndaǵy jóndeý jumystaryna 200-den astam adam tartylǵan
Rıdder qalasy ákimdiginiń málimetine súıensek, búgingi tańda JEO-daǵy kúrdeli jóndeý jumystary bekitilgen kestege sáıkes júrgizilip jatyr.
«Kún saıyn ortalyqtyń 67 jumysshysy men merdiger uıymdardyń 200 qyzmetkeri jóndeý jumystaryn júrgizýde. JEO-daǵy barlyq 6 qazandyq túgel jóndeýden ótýde. Sondaı-aq ǵımarattyń ózi men jylý jelileri de qaıta jańartylady», - deıdi qala ákiminiń mindetin atqarýshy Darhan Qosantaev.
Onyń aıtýynsha, qajetti qural-jabdyqtar men materıaldar satyp alynǵan. Qazirde onyń 50 paıyzdan astamy ortalyqqa jetkizildi.
«Merdigerlerdiń jumysyn jurtshylyq pen qalalyq máslıhat depýtattary baqylaýda. Olar kún saıyn jylý elektr ortalyǵyna baryp, atqarylǵan jumystardyń kólemin, qajetti materıaldar men jabdyqtardyń jetkizilýin qadaǵalaýda», - deıdi D.Qosantaev.