Rıdder jylý ortalyǵyn memleket balansyna berý kerek – ákim

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Rıdderdegi jylý elektr ortalyǵyn kommýnaldyq menshikke berý kerektigin aıtty, dep habarlaıdy QazAqparat tilshisi.

Búgin Rıdderdegi jylý elektr ortalyǵynda taǵy da oqys jaǵdaı boldy. Eki qazandyqta órt shyǵyp, úılerde jylý temperatýrasy azaıǵan.

«Osy jaǵdaıdan Rıdder JEO-nyń jańa ıesine úmit artýdyń qajeti joqtyǵyn kórip otyrmyz. Sondyqtan jylý elektr ortalyǵyn kommýnaldyq menshikke alý qajet dep esepteımin. Kelesi aptada osynda taǵy bir jınalys ótkizemin. Sonda ortalyq ıeleriniń naqty oılary men usynystaryn tyńdaımyn», - deıdi ol.

Aımaq basshysy óz sózinde jergilikti bıliktiń qazir «Rıdder» JEO-ny kommýnaldyq menshikke alý, jelilerdi, jabdyqtardy kúrdeli jóndeý jáne jańa jylytý maýsymyna daıyndaý úshin zańnamaǵa sáıkes bárin jasap jatqanyn jetkizdi.