Rıdder turǵynynyń aýlasynda turǵan 3 jarym tonna pishen órtendi

Shyǵys Qazaqstan oblysy Rıdder qalasy turǵynynyń aýlasynda turǵan 3 jarym tonna pishen otqa orandy, dep habarlaıdy Kazinform. 

ShQO Tótenshe jaǵdaılar departamenti baspasóz qyzmetiniń málimetine súıensek, Rıdder qalasy Proletarskaıa kóshesindegi jeke turǵyn úıdiń aýmaǵynda órt shyqqan. 

«Oqıǵa ornyna órt sóndirýshiler shuǵyl kelip jetti. Sol kezde aýladaǵy 3,5 tonna pishen órtenip jatqan. Kóp uzamaı órttiń beti qaıtty», - delingen aqparatta.

Qyzyl jalyndy aýyzdyqtaýda jeke quramnan 6 adam jáne 2 tehnıka jumyldyrylǵan. Aldyn ala derek boıynsha, órttiń shyǵýyna – otty abaısyz paıdalaný nemese qasaqana órt qoıý sebep bolýy múmkin. 

Osy rette, TJD qyzmetkerleri óńir jurtshylyǵyna órt qaýipsizdigi erejelerin qatań saqtap, barynsha abaı bolý qajettigin eskertti. Turǵyn úı janyndaǵy saraılardyń tóbelerine pishen jınaýǵa bolmaıdy. Jem-shóp jınalǵan jer ǵımarattarǵa, qurylystarǵa keminde 50 metr qashyqtyqta ornalastyrylýy qajet.