RF áskerı avıatsııasy «Soıýzdy» qondyrýdy qamtamasyz etý úshin Qazaqstanǵa keldi

ASTANA. QazAqparat - Reseıdiń áskerı avıatsııasy men Ortalyq áskerı okrýginiń (OÁO) mashına-amfıbııasy 14 jeltoqsanǵa josparlanǵan «Soıýz MS-05» transporttyq basqarylatyn kemeni izdeý-qutqarýdy qamtamasyz etý úshin Qazaqstannyń jedel áýe aılaqtaryna keldi, dep habarlaıdy TASS.   

«Ony qondyrýǵa Mı-8 12 tikushaǵy, An-26 úsh ushaǵy men An-12 eki ushaǵy, sondaı-aq 18 avtotehnıka tartyldy. Operatsııaǵa jeke quramnyń 200-den astam adamy, sonyń ishinde Ortalyq áskerı okrýgtiń áskerı medıkter brıgadasy qatysady. Tehnıka Qazaqstan Respýblıkasynyń jedel áýe aılaqtaryna jetkizildi», - dep habarlady Ortalyq áskerı okrýgtiń baspasóz qyzmetinde.

14 jeltoqsanda quramynda reseılik ǵaryshker Sergeı Rıazanskıı, NASA astronavty Rendolf Breznık pen ESA astronavty Paolo Nespolı bar halyqaralyq ekıpaj Jerge oralady.