Revaktsınatsııadan keıin «jasyl» mártebe qansha ýaqyt saqtalady

ALMATY. QazAqparat- Almaty qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazıeva onlaın brıfıng barysynda revaktsınalanǵan qazaqstandyqtardyń «jasyl» mártebesi qansha ýaqyt saqtalatynyn aıtty, dep habarlaıdy QazAqparat tilshisi.

«Revaktsınatsııa alǵandarda «jasyl» mártebe taǵy bir jylǵa, ıaǵnı 12 aıǵa uzartylady» - dedi Almaty qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazıeva.

Búgingi kúni revaktsınatsııadan 122 960 almatylyq ótti.

Buǵan deıin Almatyǵa «Spýtnık Laıt» vaktsınasynyń 12 myń dozasy jetkizilgeni týraly jazǵan bolatynbyz.

Basqarma málimetinshe, «Spýtnık Laıt» vaktsınasy revaktsınatsııaǵa, ıaǵnı, tolyq ımmýndaý merzimi aıaqtalǵannan keıin qaıta vaktsınalaýǵa arnalǵan.