«Retteýshi ıntellekt ortalyǵy» qurylady

ASTANA. KAZINFORM – Strategııalyq josparlaý jáne reformalar agenttiginiń bazasynda «Retteýshi ıntellekt ortalyǵy» qurylady. Bul týraly Úkimet otyrysynda Premer-mınıstrdiń orynbasary – Ulttyq ekonomıka mınıstri Serik Jumanǵarın aıtty.

Serik Jumanǵarınniń aıtýynsha, Prezıdent Joldaýyn iske asyrý is-sharalar josparynyń kásipkerlik blogy boıynsha ekonomıkany yryqtandyrý jáne kvazımemlekettik sektordy reformalaý sharalaryna nazar aýdarylady.

- Strategııalyq josparlaý jáne reformalar agenttiginiń bazasynda jasandy ıntellektini qoldana otyryp, retteýdi jańartýdyń negizgi alańyna aınalatyn «Retteýshi ıntellekt ortalyǵy» qurylady. Salyqtyq ákimshilendirý salyq tóleýshilerdiń múddesin eskere otyryp, jasandy ıntellekt pen basqa da ozyq tehnologııalar qoldaný arqyly júzege asyrylady. Damý ınstıtýttary óz qyzmetin naqty salalyq mamandanýymen jáne ınvestıtsııalaýǵa arnalǵan mandatymen júzege asyrady. «Memlekettik múlik týraly» Zań memlekettiń ekonomıkaǵa qatysý sheńberin aıqyndaý bóliginde qaıta qaralady, - dedi vıtse-premer.

Buǵan deıin Memlekettik tsıfrlyq aktıvter qory qurylatynyn jazǵan edik.