Respýblıkashyldar AQSh Senatyn baqylaýǵa alady

ASTANA. KAZINFORM — Batys Vırdjınııa men Ogaıo shtattary Respýblıkalyq partııa jaǵyna ótkennen keıin Senattaǵy respýblıkashyldar demokrattardy yǵystyryp, 100 orynnyń 51-iniń kópshiligin ıelendi, dep jazady NBC News.

Respýblıkalyq partııanyń Senattaǵy jetistigi partııaǵa kelesi prezıdent kezindegi zańnama men taǵaıyndaýlardy baqylaýǵa múmkindik beredi.

Osylaısha, Batys Vırdjınııada Djım Djastıs jeńiske jetip, otstavkaǵa ketken demokrat Djo Menchınniń ornyn almastyrdy. 

Ogaıo shtatynda respýblıkashyl kandıdat Bernı Moreno demokratııalyq senator Sherrod Braýndy jeńdi.

Tehastaǵy respýblıkashyl senator Ted Krýz ben Florıdadan Rık Skott qaıta saılaýda jeńiske jetti, al Nebraska shtatynan respýblıkashyl Deb Fısher ótti.

Respýblıkalyq partııa senatorlary kelesi aptada jańa kóshbasshy tańdaıdy, óıtkeni Kentýkkı shtatynan respýblıkashyl Mıtch Makkonnell 18 jyldyq eńbek ótilimen qyzmetinen ketedi.

Sonymen qatar, ókilder palatasyndaǵy oryndar úshin kúres jalǵasyp jatyr jáne nátıjesi belgisiz. Cook Political Report esebine sáıkes, kúres ortalyǵynda 22 oryn bar — demokrattarda 10, respýblıkashylarda 12.

Esterińizge sala keteıik, Donald Tramp AQSh-taǵy prezıdent saılaýynda jeńiske jetti.