Respýblıkalyq ǵarysh baılanysy ortalyǵynda biregeı radıomurajaı quryldy
RǴBO basshysy Vıktor Lefterdiń aıtýynsha, bastama áriptester ǵarysh baılanys ortalyǵyna rarıtetti radıoqabyldaǵysh syıǵa tartqan kezde birneshe jyl buryn týǵan. Keıinnen bul aktsııaǵa RǴBO qyzmetkerleri qosyldy.
Murajaıdyń barlyq radıoqabyldaǵyshtary jóndeý jumystarynan keıin jumys jaǵdaıynda tur. Ekspozıtsııa Aqkól qalasynda KazSat ǵarysh apparattaryn basqarýdyń jerústi kesheniniń konferentsııa zalyna ornalastyryldy. 
«Búginde murajaıda 150 eksponat bar, onyń eń kónesi 1938 jylǵy RN-1 radıoqabyldaǵyshy. Taǵy biri 1927 jyly shyqqan 80-100 MGts dıapazonynda jumys isteıtin ÝQT qabyldaǵyshy bar», - dedi Lefter.
Jyl saıyn murajaıda radıoqabyldaǵyshtardyń sany artýda. Keleshekte RǴBO ujymy radıo súıgishter klýbyn jáne ujymdyq radıo stansa qurýdy josparlaýda. «Bul jas urpaq baılanys neden bastaý alatynyn, ol ne úshin qajet ekenin bilý úshin kerek», - dep sanadı RǴBO basshysy.
