Respýblıkadaǵy gıdrotehnıkalyq qurylystardyń tek 1,4% avtomattandyrylǵan

ASTANA. QazAqparat – Qazaqstandaǵy 3 654 gıdrotehnıkalyq obektiniń tek 52-si ǵana tolyq avtomattandyrylǵan. Bul týraly «Ashyq» NQa portalynda jarııalanǵan Sý kodeksi jobasynyń tujyrymdamasynda jazylǵan, dep habarlaıdy QazAqparat tilshisi.

«2021 jyly respýblıkalyq menshiktegi sý sharýashylyǵy obektilerinde jumystyq avtomattandyrý deńgeıi sý qoımalarynyń 6%-yn (87-niń 17-si), bógetter men sý toraptarynyń 9%-yn, magıstraldyq arnalardyń 0,5%-yn (2 birlik) jáne sharýashylyqaralyq arnalardyń 0,4%-yn (2 birlik) qurady. Gıdrotehnıkalyq qurylystardyń 3654 obektisiniń tek 52-si ǵana tolyq avtomattandyrylǵan (1,4%), al jerasty sýlaryna memlekettik jeliniń baqylaý pýnktteri múldem avtomattandyrylmaǵan», - dep jazylǵan tujyrymdamada.

Eske sala keteıik, buǵan deıin Balqash kóli de Aral sııaqty ekologııalyq apat aımaǵyna aınalýy múmkin ekenin habarlap edik.