Respýblıka kúni: Kókshetaýda 65 otbasy jańa páterdiń kiltin aldy
Respýblıka kúnine oraı Kókshetaýda 65 otbasyna páterlerdiń kilti tabys etildi. Olardyń arasynda kópbalaly, turmysy tómen otbasylar men jetim balalar bar, dep habarlaıdy Kazinform tilshisi.
Saryarqa shaǵyn aýdanynda salynǵan bes qabatty eki jańa turǵyn úıden páter kiltin tapsyrý rásimine qala basshysy Baýyrjan Ǵaısa qatysyp, shańyraq ıelerin Respýblıka kúnimen jáne búgingi qýanyshtarymen quttyqtady.
«Barshańyzdy kele jatqan Respýblıka kúnimen shyn júrekten quttyqtaımyn. Bul kún - árbir qazaqstandyq úshin mańyzdy mereke. Búgin osy merekege oraı, Turǵyn úı-kommýnaldyq ınfraqurylymdy damytýdyń 2026 jylǵa deıingi tujyrymdamasyn iske asyrý sheńberinde salynǵan turǵyn úılerden jańa páterlerdiń kiltin tapsyryp otyrmyz. ıAǵnı, 65 otbasy baspanaly bolyp otyr», - deı kele qala ákimi baspanaly bolǵan kópbalaly jáne turmysy tómen otbasylar men jetim balalarǵa jańa páterlerdiń kiltin tabys etti.
Osy oraıda, jańa úıden úsh bólmeli páter alǵandardyń biri - Sholpan Nuǵymanova. Búginde 14 bala tárbıelep búginde 93-ke kelgen kópbalaly ana – tyl eńbekkeri.
«On tórt balany ósirip, odan 20 nemere, 4 shóbere súıip otyrmyn. Tylda eńbek ettim. Osy páterdi 17 jyl kúttim. Elimizdiń aıshyqty merekesi – Respýblıka kúni qarasańynda baspanaly bolǵanyma ótte baqyttymyn. Endi osy úıde otbasymmen baqytty ǵumyr keshemiz degen oıdamyz. Osyndaı ıgi iske qol ushyn sozǵan azamattarǵa aıtar alǵysym sheksiz», - dep qýanyshymen bólisti qarııa.
Jańa úıden baspanaly bolǵandardyń arasynda kópbalaly ana Natalıa Panasıýra da uzaq jyl baspanasyz júrgen.
- Men kóp balaly anamyn, páter kezegin 14 jyl kúttim. Kishi ulym dúnıege kelgen sátten bastap búgingi kúnge deıin jaldamaly páterde turyp keldim. Búgin memlekettiń qoldaýynyń arqasynda qalanyń jańa shaǵynaýdanynan tórt bólmeli páter alyp otyrmyn. Áli de, qýanyshyma sener alar emespin, - deıdi kópbalaly ana.
Qala ákimi atap ótkendeı, búgingi tańda oblys ortalyǵynda baspana kezeginde 9 myńnan astam adam tur. Jyl basynan beri 6 turǵyn úı bóı kótergen, onyń ishinde 2 turǵyn úı Respýblıka kúnine oraı paıdalanýǵa berildi. Jyl sońyna deıin taǵy 6 kóppáterli turǵyn úıdiń qurylysyn aıaqtaý josparlanǵan.
Aıta ketsek, budan buryn Kókshetaýda 40 otbasy jańa páterlerdiń kiltin alǵanyn jazǵan edik.
