Respýblıka boıynsha tegin sport sektsııalary ashyldy
«Búginnen bastap barlyq oblys ortalyqtarynda «Dınamo» sport qoǵamy negizinde balalarǵa arnalǵan tegin sektsııalar ashylady. Qazirgi kezde respýblıka boıynsha 18 fılıalda 180 sektsııa jumys isteıdi. Oǵan 5 myńnan astam bala qatysa alady. Osyǵan baılanysty bapkerler men jattyqtyrýshylar quramy jasaqtaldy. Olardyń ishinde talaı chempıondardy daıyndaǵan azamattar da bar», - dedi Q.Qasymov Astanadaǵy «Alataý» sport kesheninde ótken merekelik sharada.
Mınıstrdiń aıtýynsha, tártip saqshylary bıylǵy jyldy baqytty balalyq shaqty qorǵaý bastamasyna arnap otyr.
«Sondyqtan osy jylda balalarǵa patrıottyq tárbıe berý jumysyna negizgi basymdyq beriledi. Salaýatty ómir saltyn nasıhattaý jáne taǵy basqa qaıyrymdylyq sharalar uıymdastyrylady», - dep atap kórsetti Q.Qasymov.
Aıta keteıik, búginde «Dınamo» sport qoǵamynda kórkem gımnastıka, semserlesý, qazaqsha kúres, boks, karate sııaqty sport sektsııalary bar.
