Respýblıka boıynsha 8 023 saılaý ýchaskesinde daýys berý bastaldy
"Qazaqstan Respýblıkasyndaǵy saılaý týraly" Konstıtýtsııalyq zańnyń 8-baby 1-tarmaǵyna sáıkes prezıdent saılaýy jergilikti ýaqyt boıynsha saǵat 07:00-de bastaldy. Daýys berý kúninde saılaý komıssııalary daýys berý bastalmastan 1 saǵat buryn ýchaskelerdi ashýǵa kiristi. Saılaý komıssııalarynyń tóraǵalary daýys berý bastalmastan 30 mınýt buryn komıssııa músheleriniń qatysýymen daýys berý jáshikterinde bıýlletenderdiń bar-joǵyn, bútindigin tekseredi jáne jáshikterdi daýys berý úshin plombalap, mórleıdi", - dedi ol.
Onyń atap ótýinshe, sonymen qatar saılaý ýchaskeleriniń tóraǵalary bıýlletenderdi berýmen aınalysatyn komıssııa múshelerin aıqyndaıdy.
"Kelip túsken aqparattarǵa sáıkes Nur-Sultan ýaqyty boıynsha saǵat 07:00-de 8 023 ýchaskede daýys berý bastaldy. Daýys berýge kirisken ýchaskelerdiń ishinde 48 saılaý ýchaskesi sáıkesinshe aýmaqtyq saılaý komıssııasynyń sheshimimen daýys berýge saǵat 06:00-den bastap kiristi. Atalǵan ýchaskelerdi saılaýshylar tizimine engizilgen saılaýshylardyń sany 9 627 073 adam", - dedi K.Petrov.
Tóraǵa orynbasarynyń aıtýynsha, basqa saǵat beldeýinde jatqan 5 óńirde daýys berý Nur-Sultan ýaqytynan bir saǵat keıin bastalady. Olar: Atyraý, Aqtóbe, Batys Qazaqstan, Mańǵystaý jáne Qyzylorda oblystary.
