Reseılik 15 jyl boıy Qazaqstannan zeınetaqy alyp kelgen

QOSTANAI. QazAqparat - Qostanaı qalasynyń №2 sotynda Qazaqstan men Reseı Federatsııasynan birdeı zeınetaqy alyp kelgen Reseı azamatyna qatysty is qaraldy, dep habarlady QazAqparat oblystyq sottyń baspasóz qyzmetine silteme jasap.

Іs derekterine súıensek, zeınetker 2000 jyly RF Chelıabi oblysynyń Zeınetaqy qorynyń tizimine alynǵan.

«Ol 2003 jyly QR zańnamasynda kórsetilgendeı, zeınet jasyna jetken soń «Azamattarǵa arnalǵan úkimet» memlekettik korporatsııasynyń Qostanaı oblysyndaǵy fılıalyna jasy boıynsha zeınetaqy berý úshin ótinish jazady. Ótinishinde basqa TMD elderinde zeınetaqy jarnalarynyń túsimderiniń joǵyn kórsetedi. Osylaısha, ol korporatsııa qyzmetkerlerin aldaǵan», - delingen oblystyq sottyń baspasóz habarlamasynda.

Belgili bolǵandaı, ol 2003 jyldyń naýryz aıynan 2018 jyldyń naýryzyna deıin 15 jyl boıy zańsyz aqsha alyp kelgen. Ol osy ýaqyt aralyǵynda 3 968 718 teńge qarajat jymqyrǵan.

Endi ol QR QK 190-baby, 3-bóligi, 1-tarmaǵy boıynsha sot aldynda jaýap beredi.