Reseı Qazaqstannan gúl tasymaldaýǵa shekteý engizdi

ASTANA. KAZINFORM – 21 qazannan bastap Reseı Qazaqstannyń ákelingen gúlderdi elge kirgizýge ýaqytsha shekteý engizedi. Bul týraly Reseı Federatsııasynyń Veterınar jáne fıtosanıtarlyq qyzmeti habarlady. 

Qazaqstan gúlderdiń kóp bóligin Gollandııa, Polsha jáne Belgııadan qaıta eksporttaıdy. Alaıda, bul elderdiń quzyrly organdary ónimniń qaýipsizdigin baqylaýdyń tıisti deńgeıin qamtamasyz etpeıdi.

«Bul sheshim Reseıdiń fıtosanıtarlyq jaǵdaıyn jáne taýarlar eksportynyń kólemin saqtaý maqsatynda, sondaı-aq 2023-2024 jyldary Eýrazııalyq ekonomıkalyq odaqqa múshe elder úshin karantındik nysan sanalatyn batys gúl jándiginiń (Frankliniella occidentalis Pergande) gúl óniminen tabylǵan kóptegen jaǵdaılaryna (43 jaǵdaı) baılanysty qabyldandy» ,- delingen resmı habarlamada.