Reseıdiń Túmen oblysyndaǵy Esil ózeninde sý deńgeıi qaýipti qubylys belgisine jetti

ASTANA. KAZINFORM – Reseıdiń Túmen oblysyndaǵy Ilınka aýyly mańyndaǵy Esil ózenindegi sý deńgeıi qaýipti qubylys bolatyn kórsetkishten joǵary bolyp shyqty. Ol 808 sm-ge jetti. Bul týraly aımaq basshylyǵynyń Telegram-kanalynan habarlady, dep jazdy TASS aqparat agenttigi. 

«Qazan aýdanyna qarasty Ilınka aýyly mańyndaǵy Esil ózenindegi sý deńgeıi búgin, 16 sáýirde «sý tasqyny» qaýipti qubylysynyń (QQ) krıterııine jetti. Sý deńgeıi Máskeý ýaqytymen saǵat 08:00-de 808 sm-den joǵary (QQ deńgeıi - 800 sm) boldy», - delingen habarlamada.

Sýy tómen kópirlerdi, aýyl sharýashylyǵy jerlerin sý basyp, eldi mekender arasyndaǵy jol qatynasynyń buzylatyny shamalanyp otyr.

Buǵan deıin Túmen oblysynyń basshysy Aleksandr Mýr óńirde Esil ózenindegi sý tasqyny boljamy aıtarlyqtaı nasharlaǵanyn, sý basqan úılerdiń sany qaıta qaralatynyn habarlady.

Eki-úsh kúnnen keıin oblystyń birinshi eldi mekenderine sýdyń mol kólemi kelýi boljanyp otyr.