Reseıdiń Rostov oblysynda ızolıator qyzmetkerlerin kepildikke alǵandardyń kózi joıyldy

ASTANA. KAZINFORM – Reseıdiń Rostov-na-Doný qalasynyń ızolıatorynda mekemeniń eki qyzmetkerin kepilge alǵandardyń kózi joıyldy.

TASS agenttigine Reseıdiń Jazany oryndaý federaldyq qyzmeti memlekettik mekemesi baspasóz qyzmetiniń habarlaýynsha, kepilge alynǵandar bosatyldy, olar zardap shekken joq.

«Reseıdiń Jazany oryndaý federaldyq qyzmeti memlekettik mekemesiniń ızolıatorynan kepildiktegi adamdardy bosatý úshin uıymdastyrylǵan arnaıy operatsııa barysynda qylmyskerlerdiń kózi joıyldy. Kepildiktegi qyzmetkerler aman-esen bosatyldy»,-delingen habarlamada.

Osyǵan deıin Reseıdiń Rostov oblysynda ızolıatorda otyrǵandar eki qyzmetkerdi kepildikke alǵanyn jazǵan bolatynbyz.