Reseıdiń Astrahan oblysynda janǵan qamystyń jaǵymsyz ıisi Atyraýda sezildi

ATYRAÝ. KAZINFORM – Reseıdiń Astrahan oblysynda qamys órtendi. Janǵan qamystyń jaǵymsyz ıisi Atyraýda sezildi.

Keshe túnde atyraýlyq jaǵymsyz ıistiń shyqqanyna shaǵymdandy.

Bul týraly áleýmettik jelide Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, kórshi eldegi qamys keshe, 8 sáýirde saǵat 17:50-de órtengen. 

«Reseı Federatsııasynyń Astrahan oblysynda qamys órtendi. Jalyn sharpyǵan aýmaq - 800 sharshy metr. Osyǵan baılanysty Atyraý oblysynyń aýmaǵynda barlaý jumystary júrgizildi. Nátıjesinde Atyraý oblysynyń aýmaǵynda órt oshaǵy anyqtalǵan joq», -dep habarlady departamenttiń qoǵammen baılanys toby.

Eske sala ketelik, budan buryn Atyraý oblysynda tótenshe jaǵdaı jarııalandy. 

Atyraý oblysynyń ákimi Serik Shápkenov turǵyndar ómirine qaýip tónse, aldyn ala habarlanatynyn aıtty. 

Keıin Jaıyq ózeniniń sýy Atyraý qalasyna qaı tustan kirýi múmkin ekenin habarlaǵan bolatynbyz.

Atyraý turǵyndary tasqyn sýǵa qarsy bóget turǵyzýǵa judyryqtaı jumyldy.