Reseıden eki partııamen dızel ákelemiz – mınıstr

NUR-SULTAN. QazAqparat – Qazaqstan dızel tapshylyǵyna jol bermes úshin ony Reseıden ımporttamaqshy. Bul týraly QR Energetıka mınıstri Bolat Aqsholaqov ortalyq kommýnıkatsııalar qyzmetinde ótip jatqan brıfıngide málim etti, dep habarlaıdy QazAqparat tilshisi.

«Reseıden dızel otynyn eki partııamen ımporttaý usynylyp otyr. Onyń jıyntyq kólemi 100 myń tonnaǵa deıin jetetin shyǵar. Bul Reseı naryǵynan alynatyny aıqyn. Óıtkeni basqa jaqyn jerdegi jetkizýshilerde dál qazir ondaı kólemdegi ónim joq», - dep túsindirdi vedomstvo basshysy.

Aıtýynsha, bul ispen tikeleı «QazMunaıGaz» kompanııasy aınalysady.

«Bul shara ındıkatıvti teńgerim aıasynda qarastyrylǵan. Avıatsııa kerosıni sııaqty dızel jetpeı jatsa da, Reseı naryǵynan alý múmkindigi burynnan qarastyrylǵan. Qazir izdeý bastaldy. «QazMunaıGaz» kompanııasy jumys istep jatyr. Jýyqta alǵashqy partııasy keledi dep kútip otyrmyz», - dedi Energetıka mınıstri.

Foto: economictimes.indiatimes.com