Reseıden 21 sheteldik kompanııa Qazaqstanǵa kóshti

ASTANA. QazAqparat – Reseıden 21 sheteldik kompanııa Qazaqstanǵa kóshti. Bul týraly QR Syrtqy ister mınıstriniń orynbasary Almas Aıdarov aıtty, dep habarlaıdy QazAqparat tilshisi.

«Eger burynyraq Eýrazııa naryǵynda bolǵysy kelgen kompanııalar Reseı ekonomıkasynyń bizden 10 ese úlken bolýyna baılanysty saýda jasaý, taýarlaryn satý úshin bas keńseleri úshin Máskeý men Sankt-Peterbýrgti tańdaıtyn. Qazir sanktsııalarǵa baılanysty olar basqa qalalardy tańdaýǵa májbúr. Biz olarǵa balama retinde Almaty men Astanany usynamyz. 62 kompanııa nıet tanytty. Onyń ishinde qazirgi ýaqytta 21 joba júzege asyryldy», - dedi mınıstrdiń orynbasary Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, bul jumys aldaǵy ýaqytta da jalǵasady.

«362 kompanııaǵa qyzyǵýshylyq tanytamyz. Bul tizim tolyqtyrylyp otyrady. Keıbir kompanııalar usynymyzdan birden bas tartady nemese jaǵdaıdyń odan ary qalaı damıtyndyǵyn baıqap kóretindigin aıtady. Degenmen, bul jumysty jalǵastyra beremiz», - dedi Almas Aıdarov.

Foto: ortcom.kz