Reseıde nesıe kartalaryn buǵattaýǵa ruqsat berildi

ASTANA. QazAqparat - Reseı prezıdenti Vladımır Pýtın «Reseı Federatsııasynyń bólek zańnamalyq aktilerindegi aqshalaı qarajatty jymqyrýǵa qarsy is-qımyl bólimine ózgeris engizý týraly» Federaldyq zańyna qol qoıdy, dep habarlaıdy QazAqparat tilshisi Kremldiń resmı saıtyna silteme jasap. 

«Federaldyq zań klıenttiń jeke ruqsatynsyz aqsha aýdarymynyń belgileri paıda bolǵan sátte nesıe uıymy aqshalaı qarajat aýdarymyn dereý toqtatý tártibin belgileıdi. Ásirese, klıenttiń ruqsatynsyz aqsha aýdarymy júrgizilgen jaǵdaıda aqsha aýdarymy jónindegi operator operatsııany oryndaý týraly tapsyrmany eki jumys kúninen asyrmaı, toqtatyp qoıýǵa quqyly, sondaı-aq, operator tólemniń elektrondy quraldaryn paıdalanýdy dál osyndaı ýaqytqa shekteı alady» , - dedi Kremldiń baspasóz qyzmetiniń ókilderi.

Klıenttiń jeke ruqsatynsyz aqsha aýdarymyn júrgizý belgilerin Reseı Banki anyqtap, resmı saıtta jarııalaıdy.