Reseıde mıgranttardyń jataqhanasynan órt shyqty

ASTANA. KAZINFORM — Reseıdiń Máskeý qalasyndaǵy Mytnaıa kóshesindegi jataqhanada shyqqan órtten 1 adam qaza taýyp, 10 adam zardap shekti. Bul týraly TASS habarlady. 

Tergeý málimetteri boıynsha, jaraqat alǵandardyń 9-y emdelýge qalalyq aýrýhanalarǵa jetkizildi, al 1 jaraqat alǵan adam emdelýden bas tartty.

Turǵyn úı bastapqyda sheteldikterdiń zańsyz turýyna arnalǵan eki qabatty kereýettermen jabdyqtalǵany anyqtaldy. Páterde kem degende osyndaı 17 tósek tabyldy.

Órt 100 sharshy metr aýmaqty sharpyǵan. Oqıǵa ornyna Reseı Tótenshe jaǵdaılar mınıstrliginiń 34 qyzmetkeri men 10 tehnıka jiberildi.

Osy jaǵdaıǵa baılanysty Reseı Qylmystyq kodeksiniń 109-baby (Abaısyzda adam ólimine ákep soqtyrý) boıynsha qylmystyq is qozǵaldy. Qazirgi ýaqytta órttiń shyǵý sebebi men zańsyz mıgranttardyń qalaı ornalasqany anyqtalyp jatyr. Sot-medıtsınalyq saraptama jumystary áli jalǵasyp jatyr, biraq aldyn ala qorytyndy boıynsha, órt qysqa tuıyqtalý men jeliniń shamadan tys júktelýinen bolýy múmkin.

Eske sala keteıik, Reseıde orys tilin bilmeıtin mıgrant dárigerler men júrgizýshiler jumysqa qabyldanbaıdy.